Во време кога физичкото здравје трпи бескрајни удари и кога самиот процес на откривање и лекување на болестите е долготраен и болен, науката открива методи и начини да ги олесни и забрза овие процеси преку поврзување на природното функционирање на телото/системот и научните методи на испитување и истражување.

Еден од резултатите на овој научен напредок е и Метатрон Нелинеарниот систем за дијагностика и терапија, познат и под името Биорезонантна дијагностика, Квантна анализа, итн. Тој многу прецизно и сосема безбедно ги лоцира состојбите во човечкиот систем, наоѓајќи ја основната причина за истите.

Ова е возможно поради тоа што Метатрон ја врши анализата преку промените во резонанцата на телесното ткиво. Секој објект, вклучувајќи ги и органите и ткивата, вибрира со своја, специфична фреквенција или осцилација која е различна од фреквенцијата на останатите објекти. Со Метатрон се детектира (не)совпаѓањето на фреквенциите на секој дел од човечкото тело, орган, ткиво, ќелија, ДНК или хемиски елементи. Тој автоматски ги детектира и локализира промените на ќелиско ниво до генетско ниво и ги корегира дисбалансите.