0 ден

Медитации

Отвори го својот ум...

Неколку дефиниции на медитацијата:

  • „Медитација е систематски начин на стишување на умот за да можеме да допреме до нашето вистинско јас, кое е извор на вечна среќа, блаженство и мир“.
  • „Медитација е состојбата на свесност што настапува кога умот престанува да постои“.
  • „Секогаш кога сме опуштени, кога нашиот ум е тивок и внимателно набљудува, кога не сме внатрешно посветени на какви и да било мисли – тогаш медитираме“.

Медитацијата е всушност процес на откривање на самите себеси. Во стварноста, сите ние сме само свест. Ние не сме нашето тело, не сме нашите емоции, не сме нашиот ум, не сме нашите мисли; ние сме душа. Ние сме само свест која чувствува и гледа сè што се случува додека ја играме својата улога во животот. Оваа свест по својата природа е мирна, спокојна и нè подмладува. Медитацијата е процес на осознавање на оваа свест која постои во нас.

„За да се разбере немерливото, умот мора да биде извонредно тивок, мирен“.

Во нашиот секојдневен живот постојано сме преокупирани со сетилни дразби, размислување, анализирање, чувствување, правење на секакви мисловни активности; никогаш не сме вистински смирени, често сме во брзање, под стрес. На сите ни се случило да се опуштиме гледајќи го убавото зајдисонце, дозволувајќи им на мислите да се стишаат, што е блиску до медитација.

Медитацијата, ако се прави редовно, може да направи чуда. Еве неколку основни придобивки што можат да се добијат со редовна медитација:

  • Фокусирање на сегашниот миг и контрола на умот и емоциите;
  • Согледување на причинско-последичните врски помеѓу мислите, ставовите, впечатоците, чувствата, телесните состојби и однесувањата;
  • Променет став кон животот, благодарност за добрите дела на другите, уживање во малите мигови на среќа;
  • Јасно согледување на пошироката перспектива наместо фокусирање на ситните секојдневни проблеми;
  • Прифаќање на сите нешта коишто не се такви какви што би сакале да бидат;
  • Разбирање на останатите луѓе;
  • Подобрена внатрешна способност за решавање на комплексни проблеми;
  • Ослободување од стресот;
  • Зголемена концентрација, самопочит, спонтаност, креативност и свесност;
  • И многу, многу повеќе…

Покрај тоа, со редовна примена на длабоко дишење, длабока релаксација и физички вежби во нашиот живот, можеме да изградиме цврста основа за понатамошно здравје и изобилство на телесна и психичка енергија. Без оглед на тоа колку сме зафатени во секојдневниот живот, со помош на овие три нешта, не само што ќе можеме лесно да се справиме со животните предизвици, туку ќе си обезбедиме постојан духовен развој преку редовно медитирање.

Постојат различни видови на медитација:

  • Meditation on Twin Hearts (Медитација на срцата близнаци);
  • Meditation of the Blue Pearl (Медитација на синиот бисер);
  • ‘Here and now’ Meditation („Сега и тука“ медитација);
  • Vipassana (Випасана);
  • Meditation of Gautama Buddha (Медитацијата на Гаутама Буда);
  • Mantra Meditation (Мантра медитација);
  • Dynamic Meditation (Динамична медитација);
  • Zen Meditation (Зен медитација);
  • Energy Meditation (Енергетска медитација);
  • Transcendental Meditation (Трансцедентална медитација) итн.

Ве покануваме да медитирате и да го одберете стилот на медитација што најмногу ќе ви одговара. Потребно е време, но личното искуство е тоа што се важи. Секој може да медитира…

Купи онлајн

Откако ќе ја купите услугата контактирајте нè за да ви закажеме термин.
Купи сега