Продолжувањето на Реики праксата со ова трето, напредно ниво, би значело навлегување во светот на мистериозните учења, светски и лични. Овој Реики курс ни ги отвора вратите кон нашето несвесно, во кое се складирани сите потребни информации за себе, ресурси, потенцијали, сеќавања, емоции и мисли, сѐ што е потиснато и непризнаено, а кое нѝ управува со животот. Целта на овој курс е осознавање и скротување на сопствената Сенка и разбирање на концептот на Единство преку древните и мистериозни знаења, низ ре-интегрирање на сопствената личност и сите нејзини делови како целина.

На овој курс ќе научите и постигнете:

• Механизмите на духовен развој;
• Смислата на еволутивниот пат на Земјата и нејзините симболи;
• Обрасците по кои функционира природата;
• Поврзување на древните знаења од различни култури и науката;
• Нумеролошка, геометриска, визуелна, астролошка, енергетска и друга симболика;
• Патешествието на душата;
• Враќање кон срцето;
• Четвртиот симбол и негова употреба;
• Промена на менталниот склоп, моќта на мислите;
• Силата на зборовите;
• 2 ускладувања (attunements) итн.

Реики 3/А ја золемува нашата фреквенција до стадиум на моментална манифестација, а со тоа бара од нас свесност на високо развиени битија кои активно ќе учествуваат во промените на Земјата.

Предуслов: Реики Ниво 1, Реики Ниво 2 и континуирана пракса.