Животот мора да тече, а ние мора да го живееме со љубов. Љубовта би значела да ја прифатиме сопствената моќ, да ги објавиме нашите права и да го заземеме местото кое нѝ припаѓа. Да се научиме на љубов е процес. Посебно за нас жените, бидејќи потиснувањето трае многу долго. Многу од нас заборавија кои се навистина, какви таленти имаат, што природно им доаѓа; ги измешавме улогите и идентитетите. Мораме да се вратиме на основите. Да побараме помош. Да се запознаеме себеси. Да започнеме со зацелување на нашето битие на било каков начин – да научиме како. Да се потсетиме на музиката на нашето срце. А потоа да ја земеме моќта во свои раце и да ги споделиме со светот подароците на љубов, сочуство и милост.

За да подржиме, мотивираме и инспирираме, креираме програми за сите жени кои се храбри да направат огромни чекори напред во животот, во свесноста и во бизнисот, зошто не. Веруваме дека секое човечко битие, секоја жена вреди и заслужува да го живее животот со чувство на вредност, почит и достоинство, да има потполна контрола врз сопствениот живот, да прави свои избори и донесува свои одлуки, да живее во сигурна и удобна средина… Жените се еднакво компетентни, интелегентни и талентирани па овие основни права природно ќе се рефлектираат и на социјално, образовно, економско и национално ниво.

Еден пример на програма за подршка на жените е „Жени во бизнисот – Финансии и совети за жени претприемачи“ развиена од ЕБОР, спроведена во 15 земји, во рамките на која спроведуваме обуки за вештини и компетенции со колегите од ЦЕФЕ Македонија.

http://www.ebrd.com/women-in-business/finance-and-advice-for-women-in-business.html

Друг пример е програмата Women`s talks креирана со Štěpánka Petrželová Hojdová и спроведена во Чешка. Оваа програма ќе биде применета и во Србија. За повеќе информации можете да ја погледнете страницата:

http://www.womens-talks.com/en/pruvodce/

Јас верувам дека ќе бидат развиени уште многу вакви и слични програми.

Ве повикувам да бидете отворени за промени и да направите свесни чекори кон една нова иднина за вас, за идните генерации, за сите нас. Кажете нѝ како можеме да ве подржиме на вашето патување. Можеме да патувам е заедно.